UEYEALTEPETL KUETLAXKUEPA.- Ika maye kachi tlanahuatilten tlen kitsekos amo mamotekokolika uan amo chikahiua kachi in tektil tlen mochijtika ihkuak pano se tlen amokuali, in tekitkayotl Gobernación (Segob), iuan in Coordinación General de Protección Civil Estatal (Cgpce) tlen tlayekana Ana Lucía Hill Mayoral, omo nechiko uan okitok tlen tekitis iuan Coordinación Nacional de Protección Civil (CNPC) uan in Comisión de Protección Civil del Ayuntamiento de Puebla.

Hill Mayoral okitok tlen, ika mamochihua tlen otlanahuati in tekihua, Miguel Barbosa Huerta uan in tlayekanani ipan Gobernación, David Méndez Márquez, ika mamochihua se tlanahuatil ika mamotseko mapano se ouitepanyalistli uan protección civil ipan kuetlaxkuepa, opejke tekiti sekni in tekihuakayotl kuetlakuepa uan tekihuakayotl mexiko.

Ik inon, onahuati, tlen ihkuak omoitake iuan David León Romero, tlayekanani CNPC, okitoke tlen ipan tonalten tlen uitse mochihuas se tekitl kanin kinechtiliske tlen moneki kichihuaske uan noijki Protección Civil, ipan altepeme tlen katki ipan kuetlaxkuepa, kanin yaske akin kiixmati kachi inin tekitl ika makin nechtilika in ichpokatontli uan telpokatontli, ika makimatika tlenmoneki maki chihuaka ihkuak panos se ouitepanyalistli.