UEYE ALTEPETL KUETLAXKUEPA.- Ika mamouiakaka poblanos tlen katki ipan okse altepetl uan mamomachilika tlen maske katki uejka yehuan otlakatike ipan kuetlaxkuepa, in tekitkayotl Gobernación, ika in Instituto Poblano de Asistencia al Migrante (IPAM), onahuati tlen kichihuas se Programa kanin mosetiliske inchanejkame tlen motokanotsa “sekni oksepa”
María Ixelt Romero Morales, tlayekanani ipan IPAM, okitok tlen inin programa tlen okinahuati mamochihua in tekihua Miguel Barbosa Huerta, uan noijki in tlayekanani ipan tekitkayotl Gobernación David Méndez Márquez, kitemohua kin tlaxtlahuas akin mochantia ipan Estados Unidos tleka oki ualtitlantike tomin ika mamo iskalti kachi kuetlaxkuepa, uan yehuan katki uejka uan imin chanejkahua nikan, uan inin programa kin palehuis ika mamo itaka oksepa.

Ipan inin xihuitl, okitok, inin programa “sekni oksepa” –akin yahue ipan Estados Unidos kin maka tomin in tekihuakayotl Kuetlaxkuepa-, kineki kin palehuis 600 sihuame uan tlakame tlen kiuika 10 xihuitl nosokachi tlen amo chantike ipan altepeme Los Ángeles, Nueva York uan Passaic, uan tlen amo kiitstoke imin tatame nosoimin kolhua tlen kipian kachi 60 xihuitl tlen mochantia ipan Kuetlaxkuepa.

Akin mochantia ipan Estados Unidos tlen kinekiske makin kalpanoka imin tatahuan noso imin kolhua, okitok, moneki mayaka ipan kaltlapalehuia “nokal ye Kuetlaxkuepa” ipan altepetl Los Ángeles, Nueva York uan Passaic, ika makimatika tlen moneki kichihuaske ikama kalakika ipan inin programa.