Altepetl Kuetaalxkuepa.- Kitsekoske chikahuak in tlaichtekayotl, amo kikahuaske maye kachi tlaichtekilis, tekokolikayotl uan makitsakuaka inin tlanrmakalis tlen omotlalike ipan xihuitl achtopa ye tlen kachi kitekitis inin tekihuakayotl tlen ki nahuatia tekihua Miguel Barbosa Huerta, okitok tlayekanani Planeación y Finanzas, María Teresa Castro Corro.

Ihkuak okatka iixpa Congreso del Estado, kenin se tlamachtiyotl ipan achtopa tlanahuatiyotl tekihuakayotlo, okitok ika mamochihua inin tekitl omochiuj se yankuik tekihuakayotl kanin kieua kachin in tomin uan ijko kipaleuia tlen kineki Akin kichantia Puebla. Okitok, achtopa, in tekitkayotl oki uikaka inixpa Fiscalía General del Estado (FGE) makuili tlatelhuilis kanin okichijke tlen amo kuali uan tomin tlen amo kimati kanin uits de 739 millones 253 mil pesos, inon okichiuj makimatikan tlen kichihua 22 tlakame uan yekitkayome tlen kin mintlatlaniske tlen kichijtikate ika in tomin tlen kitekitiltia.