Altepetl Puebla, Puebla.- Kenin otlanahuati tekihua Miguel Barbosa Huerta, inin tonali okiseki tlayekanalis kenin yankuik tlayekanani ipan tekihuakayotl David Méndez Márquez.

Ihkuak okichihuaya inin tlayekanalis ipan “Sala Juárez” ipan kali Aguayo huan iixpaConsejero Jurídico, Ricardo Velázquez Cruz, in tlayekanani ipan Tekihuakayotl okitok tlen kiseliaya inin tekitl tlen kinahuati makichihua in tekihua Barbosa Huerta.

Kenin kineki mamochihua in tekihua, kenin mamowika se tekihuakayotl tekitki, chipahuak huan yektlanahuatiani; Méndez Márquez omonahuati ihuan akin mochantia ipan tekihuakayotl Puebla ika kichihuas kuali itekitl huan nochipa kiselis akin kinekis mononotsas huan kinsekis akin yas ompa.

David Méndez Márquez ye se Ingeniero Civil tlen okisak ipan weyekalmachtiloyan Benemérita Universidad Autónoma de Puebla. Ika se kuali tlamachtikayotl; kipia se weyetlamachtilis ipan Estructuras ipan hueyekalmachtiloyan Nacional Autónoma de México. Achtopa okichiuj miak tekitl ipan política izquierda progresista.