Altepetl Kuetlaxkuepa.- San mochia tlen in tekitkayotl Infraestructura makitemaka in amatl kanin kitohua kenin ipati tlen motlaxtlahuas ika mamoyektlalika in kalme tlen omoitlakoke ihkuak otlakuepon ipan Xochimehuacan, tlen momakas ipan lunes tlen uits, tekihuakayotl Kuetlaxkuepa pehuas tekitl ipan 191 kalme tlen omoitlakoke, inin tleka mochihuas saniman tleka ye se emergencia, otenahuati in tekihua Miguel Barbosa Huerta.

Uan itech tlen oksepa kikalchihuas 64 kalme tlen ouetske, sekinten tlen katka kanin amo uelis mochihuaskia kalme tleka ompa panotikate ductos tlen iaxka Pemex, in tekihua okitok tlen amo kuali ompa mokalchihuaske kalme, ikinon itekihuakayotl kitatok kin tlalis imin chan ipan ome ueye xolalme tlen kipia kanin yaske.

Uan itech akin kitoyahuaske, Barbosa Huerta okito tlen itekihuakayotl Kuetlaxkuepa iomononots iuan ome empresas tlen kichihuaske inon tekitl uan tlen kiuikaske inon cascajo ipan banco de tiro tlen okitemakak in tlayekankayotl Kuetlaxkuepa.

okito mach, ika mamochihua se kuali tekitl ika yolsehuilis, tlakaitalis, temahuitstilia, akin mononotsake iuan akin omoitlakoke iminchan, ika makiyektlalika, uan makin kalchihuaka oksekpa ye iuan Sistema Estatal DIF.