Altepetl Kuetlaxkuepa.- Ika mamochikahua in tekitl tlen mochihua ika makin mahuitstilika in derechos sihuame uan tlakame poblanotekatl, in tekitkayotl Gobernación, iuan i tekitl tlen kichihua Comisión Ejecutiva Estatal de Atención a Víctimas Puebla (CEEAVI), okikuilo se amatl kanin mosepanpalehuiske iuan Comisión Ejecutiva de Atención a Víctimas (CEAV) ika makin palehuika, makinyekanaka uan makinmalhuika masehualten tlen katki kenin víctimas tlen okin chihuilike se tlamantle noso violación a derechos humanos tlen okichihuilkike akin tekiti ipan tekihuakayotl.

Ipan inin tenonotsalis, in tlayekanani inin tekitkayotl ipan kuetlaxkuepa, Miriam Itzsel Chávez okitok tlen moneki mamosepanpalehuika iuan oksekinten tekitkayome ika makichihuaka imin tekitl sekni uan tlen inon mochihuaka se kuali tekitl uan mamochikahuaka tlen mochijtika ika inon tlamantle.

Ihkuak okikuiloke inin amatl, motenonotsake tlen panotika, noijki kichihuaske maye kachi kuali tlanahuatil públicas tlen tepalehuia uan, makipalehuika kachi akin ye víctimas ika makin palehuika kachi kuali, isijka tlen kichihuas makiyekanaka kuali ipan inon tlen panotika, ika se tlapalehuil jurídica; noijki makimatika nochin tlen katki ipan Registro Estatal de Víctimas, uan makin palehuika ika makipiaka se kuali teasilistli ipan tlen okinchihuilike.