Altepetl Kuetlaxkuepa.- In tekihuakayotl Kuetlaxkuepa, iuan tekitl tlen kichijtikate in tlayekankayotl ipan altepetontli, kitlachixtiyes kalme tlen katki itech ductos tlen iaxka PEMEX ipan nochin kuetlaxkuepa, inin ika amo mapano se tetsahuitl kenin opanok ipan kakalatli San Pablo Xochimehuacan, otenahuati in tekihua Miguel Barbosa Huerta.

Ipan videoconferencia iuan prensa, in tekihua okilnamik tlen inin tekitl iopeuj ipan altepetl Kuetlaxkuepa; maske ijko, okito tlen uelis mochihuas noijki ipan nochin oksekinten altepetontlime kanin pano inon ductos ika mamota tla amo katli kalme kanin amo uelis mochihuaske uan ijko mamochihua tlen moneki.

Okito tlen, satepa tlen opanok itech Xochimehuacan, in tekihuake ipan Kuetlaxkuepa uan tlen tlayekana ipan altepetontli kipian kitemoske tlen kichihuaske ika makinmalhuika in sihuame uan tlakame poblanotekatl. okilnamik tlen inin tekitl ika makitlachilika inin gaseras iopejke, in tlayekanani Medio Ambiente, Desarrollo Sustentable y Ordenamiento Territorial, Beatriz Manrique mononotstika iuan tekitkayotl Medio Ambiente y Recursos Naturales (SEMARNAT) ika makichihuaka inin tekitl.