Altepetl Kuetlaxkuepa.- Ihkuak kichijtikatka se tetlachialis ika makimatika tlen opanok ipan nochin kalme tlen okinitlakoke ihkuak opanok inon tlakueponilis domingo ipan San Pablo Xochimehuacan, in Sistema para el Desarrollo Integral de la Familia del Estado de Puebla (SEDIF) okitemakak tlakuali, tlapechtli, tilmatli uan atl in chanejkahua tlen okipoloke iminchan pampa inin chikahuak tlakueponilis.

Inin tlapalehuilistli okintemakake inon chanejkahua uan kitatikatka kenin katka nochin inon masehualten, tleka ijko okinahuati mamochihua in tekiua Miguel Barbosa Huerta mamopalehui nochin sihuame uan tlakame tlen okin itlako nochin tlen kipiayan.

Kuali tikitoske tlen inon chanejkahua, akin okinteyinike nochin imin kali kenin okitoke sekinten tlamati tlen kiixmati inon tekitl, ok katki ipan kaltepalhuiloyan ipan telesecundaria “Adolfo López Mateos” uan oksekinten oyake mochantia iuan imin chanjekahua.