Altepetl Kuetlaxkuepa.- Kenin se tlapalehuil tlen mokakatiyes in masehualten tlen okinitlako in tlakueponilis tlen opanok ipan domingo ipan San Pablo Xochimehuacan, sihuame uan tlakame poblanotekatl oyake kiuikati tlen okin tlatlanin in tekihua Miguel Barbosa Huerta, ihkuak okitetlokolike tlakuali ipan kalsentlaliloyan Sistema para el Desarrollo Integral de la Familia del Estado de Puebla (SEDIF) tlen kitlali ipan inon tekitkayotl tlen katki ipan 5 de Mayo número 1606 colonia Centro, tlen tlapotiyes lunes kampoa viernes ipan 09:00 a 18:00 horas.

Ipan inin marte uan maske se tonali tlen mosehuia, masehualten tlen ualaya ipan miakten yeyatli ipan inin altepetl uan oksekinten altepeme okiuikake tlakuali, tlakemitl, tilmatli, tekajtli uan tlatlamantle ika mamotlachipahuaka ipan tekitkayotl SEDIF, uan kitemachia tlen nochin tlen kitemakatikate ahsis ipan mashualten tlen kineki makinpalehuika axan.

“Axan tehuan tikinpalehuia mostla tech palehuiske” okito se tlakatsintli tlen itoka José Armando Pablo tlen ualaya ipan colonia de Bosques de Manzanilla, akin okinahuati maualaka kachi chanejka ika makipalehuika ipan inin tlen okinahuati matikpalehuika in tekihua; uan se sihuatsintli tlen itoka Gloria Daniel, tlen ualaya ipan altepetontli Cuautlancingo, okitlatlani matepalehuika in sihuame uan tlakame poblanotekatl: “nochin kuali titemakaske sekin tlamantle”, okito.