Altepetl Kuetlaxkuepa.- Tleka moneki amo makitlaichtekika in gas uan amo mapano oksepa se tetsahuitl kenin tlen opanok ipan San Pablo Xochimehuacan, in tekihuakayotl Kuetlaxkuepa, iuan tekitl seknin tlen kichijtikate altepetontli, kitlachias kenin kichijtikate imin tekitl in gaseras, otenahuati in tekihua Miguel Barbosa Huerta.

Ipan videoconferencia iuan prensa, in tekihua okito tlen inin tlamantle tlen mochihuas ye tleka moneki amo mamoyektlali miak tlamantle tlen mopalehuis in masehualten. ikinon okito, tikpehualtiske tikinitaske kenin tekiti inon gaseras ika amo makinitlakoka in sihuame uan tlakame poblanotekatl.

Okito tlen itekihuakayotl kuetlaxkuepa uan noijki tlayekankayotl kipia kichikahuaske kachi in Sistemas de Protección Civil ika kachi kuali makichihuaka imin tekitl ihkuak panos se tlamantle kenin inin, uan okito tlenm tlasokamati inin tekitl sekni, in masehualten okitepalehuike, amo kin tlaichtekitikate uan axan moikuanitikate nochin tlen omoteyini. noijki okilnamik tlen topilten ipan Ejército Mexicano uan tlen tekiti ipan Seguridad Pública kitlamalhuitikate ompa kanin katki inon kalme ika amo ma tlaichtekika.