Altepetl Kuetlaxkuepa.- In Sistema para el Desarrollo Integral de la Familia del Estado de Puebla (SEDIF) ok kimakatika in tlakuali, tlapepechtli, tilmatli, tlakemitl, uan oksekinten tlamantle ika mamotlachipahuaka uan pajtli in chanejkaua tlen okin itlakoke in tlakueponilistli tlen opanok ipan San Pablo Xochimehuacan uan akin ok katki ipan kaltepalhuiloyan Telesecundaria "Adolfo López Mateos".

Akin tekiti ipan inon tekitkayome noijki okipalehui chanejkaua akin katki ipan kaltepatiloyan uan in tlayekanani SEDIF, Leonor Vargas Gallegos, ok mononotstok iuan chanejkahua tlen omik se ichanejka ipan inin tetsahuitl.

Teotlak, Vargas Gallegos, iuan tlayekanani Infraestructura, Juan Daniel Gámez Murillo uan akin tekiti ipan tekitkayotl Gobernación uan Protección Civil Estatal oyake kanin opanok nochin inon, ika makiitaka tlen okin panolti nochin kalme tlen omoitlakoke uan ijko kuali kipelhuiske in masehualten, tleka ijko okinahuati mamochihuaskia in tekihua Miguel Barbosa Huerta uan in tlayekanani Patronato del SEDIF, Rosario Orozco Caballero.