Altepetl Kuetlaxkuepa.- Ihkuak okito tlen tekihuakayome otekitki sekni ihkuak opanok inon tlakueponilis ipan kakalatli San Pablo Xochimehuacan, tlen okichiuj amo mamochihuani ueye inon tetsahuitl, in tekihua Miguel Barbosa Huerta okitok tlen inin amo san ijko mokahuas, tleka in tlanahuatil kin tlaliliske akin okichijke inon kitemoske akin itlatlakol uan kitelhuiske.

Ipan tenonotsalis iuan prensa kanin okatka in tlayanke inon altepetontli Kuetlaxkuepa, Eduardo Rivera Pérez; in tlayekanke PEMEX Logística, Javier González del Villar; in tlayekanke VI Región Militar, José Alfredo González Rodríguez, Ernesto García, tlayekanke topili Guardia Nacional, juan noijki tlayekanke ipan altepetontli, tlen katki ipan kueltaxkuepa uan tekihuakayotl México, in tekihua okinahuati tlen kinpalehuis ika tomin in chanejkahua akin omik se ichanejka, kitlaxtlahuas nochin tomin akin katki ipan kaltepatiloyan uan kinyektlalis imin chan tlen okinitlakoke.

Noijki, satepa tlen okito tlen kitepalehuis nochin masehualten tlen okin itlako inin tlamantle, okito tlen in Sistema Estatal DIF kipalehuitok ika tlakuali uan oksekinten tlamantle tlen moneki akin katki ipan kaltepalehuiloyabn uan noijki kichihuas iuan akin okipoloke imin chan uan tlen okin kixtike ompa.