Altepetl Puebla.- Tleka kineki kiyektlaliske kenin tekiti ompa ipan tekitkiloyan huan maki chihuaka kuali imin tekitl mamoyekanaka ika tlen kitohua tlanahuatikayotl, makichihuaka tlachipahuak imin tekitl, ika tlakaitalis, ika se kuali tekitl, in tekihuakayotl Puebla kinechtia se tlanahuatikayotl kanin kitohua kenin kipia kichihuaske imin tekitl. Inin tlanahuatikayotl opeuj ipan miércoles 8 enero, huan kineki mamo chikahua akin kineki se tlamantle ipan tekitkiloyan, moneki mamochihua tlen nochin in masehualten makiitaka tlen akin tekiti ipan tekihuakayotl makimatika tlen tekiti ika yehuantin.

Ipan inon tlanahuatikayotl kitohua tlen akin ompa tekiti moneki makichihuaka nochin melahuak, amo matlachtekika, matekitika chipahuak, kenin se tlapalehuiani, ika se kuali tlahtol, ika se tlakaitalis, makitemakaka kuali tlanankilistli, matech palehuikan, huan makiwaka nochin tlen totoka, kanin timochantia, huan mamoyekanaka ika se kuali tlanemachtilis, machihuaka imin tekitl ika se kuali tlenenehuilistli. Amo makiselika tomin ika makichihuaka isijka imin tekitl.