Altepetl Puebla.- Ipan achtopa 4 metztli inin tekihuakayotl, in tekitkiloyan Desarrollo Rural oki temakak 15 millones 7mil 442 pesos ika mamochihuaka 68 proyectos Prodeter huan programa de concurrencia, ika matlaltokakan huan makinmalhuikan agave mezcalero huan pulquero ipan nochin Puebla.

Noijki, ika in amatl tlen omotlakuilo ipan octubre tlen opanok ihuan Comisón Nacional Forestal (Conafor) ini tekitkiloyan okitemakak 215 mil kuojtontli agave mezcalero huan pulquero tlen kinmakaske 28 tekihuajkayome, tlen omoaxilti 214 hectareas tlen kuali tlaltokaske. Inin tekitl tlenki chihua in tekitkiloyan, kineki mamo iskalti kachi ipan Puebla inin koujtontli ika mamo malhui huan mamo tlaltoka, huan ijko makipiakan se i mezcal poblano tlen kuali monemakas ipan nochin México. In tomin tlen okitemakak SDR okimakake 7 proyectos Prodeter ipan programa Desarrollo Rural, tlen kipia kitlaliske se kaltontli kanin kiiskaltiske agave mezcalero kintlaltokaske, kinahuaske, kinyektlaliske kanin yesque ika mamo miakilti.