Tepeaca, Kuetlaxkuepa.- Ihkuak okiyekanaya in “Yankuilis in ohtlime kanin otekitike seknin in tlayenayotl Tepeaca-CEMEX-Tekihuakayotl Kuetlaxkuepa”, in tekihua Miguel Barbosa Huerta okitok, tlen tlasokamati in tenonotsalistli uan in tekitl tlen kichijtika itekihuakayotl, ipan kuetlaxkuepa katki chikahuak tlanahuatiyotl ika maahsika kachi tomin ipan nochin altepeme ipan nochin Kuetlaxkuepa.

Ipan itenahuatil, in tekihua okito tlen ipan itekihuakayotl tekititok ika mayekachi chikahuak in tlanahuatiyotl uan kachi kalchichihualoyan uelis ahsiske ipan kuetlaxkuepa ika makitemakaka tekitl. okse tlamantl, okito mach kenin ye tekihua, kin palehuis ika mamononotsaka iuan oksekinte kalchichihualoyan, kenisn CEMEX, mamoskaltika kachi uan makinmakaka kachi tekitl ipan altepetontli uan kakalatli kanin katki.

Okitlokolti tlen, ipan achtopa tonalten, kenin mouikaya in tekihuakayotl kuetlakxuepa, in tlayekanayotl Tepeaca uan CEMEX amo kuali mouikaya. maske ijko, okito, tlen tlasokamati inon tenonotsalistli tlen okiyekan itekihuakayotl, axan in tekitl sekni itlen kichijtikate tekihuakayotl uan inon kalchichihualoyan mota ipan inon yeyantli.