Altepetl Kuetlaxkuepa.- Ipan oksekinten tonalten uan achto motas kenin panotika ika inin kokolistli, uelis monahuati tlan mopatlas tlen kitohua in tlanahuatil tlen axan tech nahuatitok, uan tlen kichihuaske mamotlajpoka uan makinkahuaka tlapoka kachi kahuitl imin kalnemakaloyan.

Ijkotel, in tlayekanani Gobernación, Ana Lucía Hill Mayoral otenahuati tlen, axan, in tekihuakayotl Kuetlaxkuepa amo monechikotoke iuan akin tlanemaka ipan imin kalnemakaloyan; maske ijko, uelis moasikamatis tla kin kahuiliske matlapoka yolik ihkuak mochihuas ipan inin xihuitl “El Buen Fin” tlen mochihuaskia ipan kampa 16 noviembre.