Altepetl Kuetlaxkuepa.- Kenin okinahuati in tekihua Miguel Barbosa Huerta, in tlayekanani Gobernación, Ana Lucía Hill Mayoral,uan Medio Ambiente, Desarrollo Sustentable y Ordenamiento Territorial, Beatriz Manrique Guevara, omononotske iuan tlayekanke Comisión Nacional del Agua (CONAGUA), Beatriz Torres Trucios uan akin tlayekana Secretaría de Medio Ambiente y Recursos Naturales (SEMARNAT) ipan Kuetlaxkuepa, Fernando Silva Triste.

Ipan inin tlanechikolistli okitoke mach kitlachialiske nochipa uan kitaske kenin mota in ueyatl Balsas, oksekinten atoyame uan tsakuali, uan tlen kichihuaske sekinten tekitk ika makimalhuika in medio ambiente uan tlatlamantle tlen kichihuaske ihkuak ualasiske ueye kiahuitl.

Ihkuak otenonots, in tlayekanani SEGOB okito tlen kuali moneki mamouikaka kuali ika se tenonotsalis iuan eye tekihuakayome tlen kipalehuiske ika mamochihua tekitl tlen kitlapalehuis, kiyektlalia uan kitekichihuas ihkuak ahsis se ueye kiahuitl, uan mamokui nochin tlen mopia ika matlapalehuika.