Altepetl Kuetlaxkuepa.- Tleka okiauj chikahuak ipan nochin Kuetlaxkuepa, in Coordinación General de Protección Civil Estatal okimat tlen ouets se kohuitl uan se tepamitl ipan altepetontli Chignautla. Noijki ouetske tetl uan sokitl ipan Coatepec uan se uestkilistli ipan Honey, uan noijki omochijke miak achiauitl, otenahuati tlayekanani Gobernación, Ana Lucía Hill Mayoral.

In tlayekanani okito mach, ipan Chignautla ipan tepetlan Norte, ouets se kohuitl ipan se kanin mahuiltia, kanin otekitike tekitinime Protección Civil uan Seguridad Pública estatales uan amo tlen okin panolti nianse masehuali. Noijki, ouets se tepamitl tleka okiolinike tlali uan okikuike tepostli tlen kiyektlalia kali, amo tlen okipanolti nianse masehuali.

Oksiaka, ipan Coatepec in cihkauak kiahuitl okichijke mauetsi sokitl uan tetl kanin pehua inin kakalatli, uan okipalehuike akin tekiti ipan Protección Civil Estatal uan in altepetontli ika makiyektlaliani inon ohtli.