Altepetl Kuetlaxkuepa.- Ika mamochihua kachi kuali inon tekitl ihkuak motemaka inon tlakuali sankuelpan akin momachtia uan ipan oskekinten kalmachtiloyan ipan altepetl Kuetlaxkuepa, uan makitaka tlen tlakuali tlen kitemakatikateye kenin kitohua in padrón in ichpokatontli uan telpokatontli tlen kintemaka, in Sistema para el Desarrollo Integral de la Familia del Estado de Puebla (SEDIF) ki tlachixtiyes sesekpa kenin mochijtika ipan ueye kali kanin mosentlalia inin tlakuali.

Inin tlachialistli tlen kiyekantika in tlayekanani Unidad de Asistencia Social y Salud del SEDIF, Denisse Ortiz Pérez uan in tlayekanke Alimentación y Desarrollo Comunitario, Francisco Javier Navarrete López, akin kiitatikate tlen nochin tlen motemaka makin makaka ipan imahuan in tetame tlen kipia imin chanejkahua uan amo tlen oksekinten makixexeloka.

Ortiz Pérez okito tlen kenin okinahuati in tlayekanani Patronato del SEDIF, Rosario Orozco Caballero, mochijtikate inin tlamantle ika mamotemaka se kachi kuali tlapalehuilistli uan makitemakaka tlakiuali tlen moneki in ichpokatontli, telpokatontli uan telpokame, akin momostla yajtikate ipan kalmachtiloyan públicas ipan altepetl Kuetlaxkuepa.