Altepetl Kuetlaxkuepa.- Tlen omochijke 23 tetlachialistli ipan 16 kalnemakaloyan uan omotlatsajke eye kalnemakaloyan tleka amo okitlahtolkakike itlanahuatil techipajtik, in tekihuakayotl Kuetlaxkuepa, iuan itekitl sekini tlen okichijke Coordinación General de Protección Civil, Seguridad pública uan Dirección de Protección contra Riesgos Sanitarios (DPRIS), okitlachixtikate makitlapojka imin kalnemakaloyan yolik uan ijko kitsekokske in kokolistli SARS-CoV-2, otenahuati in tlayekanani Gobernación, Ana Lucía Hill Mayoral.

Noijki, otenahuati tlen in tekitkayome Movilidad y Transporte, y Seguridad Pública okitlachilike 124 teposnenemi público uan okichijke 21 tekitl kanin okinahuatiaya mamochipahuaka ika makitsekoka inon kokolistli ipan teposnenemi tlen iaxka sistema RUTA.

Uan tlen ok mokokotikate COVID-19 ipan telpiloyan, in tlayekanani okito tlen ye 46 (24 sihuame uan 22 tlakame) tlen ok kinpatitikate uan kin makatikate pajtli ipan Centro de Internamiento Especializado para Adolescentes (CIEPA).