Altepetl Puebla.- Ika mamomachilika kuali huan amo makintlachtekika akin yahue ipan teposmalakatl, in Secretaría de Movilidad y Transporte opeuj kintsekoltia itech hueyohtli Atlixkayotl, tekihuayotl libre huan 16 ipan septiembre, ika makimatika tlasekinten inon teposmalakatl tlen kinuikatinemi tlaltikapatlakame huan tlen monemaka pia kuali inin amame.

Keman kintsekoltike inin teposmalakatl okin palehuike topiltel tlen kimalhuia kenin mouikatinemi teposmalaktl, okintlalike 23 amame tlen kitlaxtlahuaske akin kiuika inon teposmalakatl ruta 25, yankuik Angelópolis, Azteca, 10, 45-A, 4, 20, 13 huan Loma Bella tleka amo kiuikaya imin amame kanin kitohua tlen kuali kiuikaske se teposmalakatl, amatl tlen iaxka teposmalakatl huan amatl kanin kinkahuaya makipiaka teposmalakatl.

Noijki tleka kiuikaya imin teposmalaktl xetintok, teskatl tlen tlapantoke. Kuali moitos akin kinahuati inon ye in tekihua Miguel Barbosa Huerta, inon tlatsekolisme okmochihiaske ipan nochi Altepetl Puebla, ijko kenin ipan oksekinten altepeme ipan Puebla ika mamo itaka tlakipian kuali imin amame huan makichihuaka tlen kitohua in tlanahuatijkayotl tlen kiyekana in teposmalakatl.