Altepetl Kuetlaxkuepa.- Ihkuak kinahuatiaya tlen in Sistema para el Desarrollo Integral de la Familia del Estado de Puebla (SEDIF) kichijtika tekitl ika matlapalehuika in masehualkayotl uan amo politicas, in tekihua Miguel Barbosa Huerta okitetlasokamati in tlayekanke Patronato, Rosario Orozco Caballero; in tlayekanani, Leonor Vargas Gallegos uan nochin masehualten tlen tekiti ipan inin tekitkayotl tleka okichijke kuali imin tekitl ika makitepalehuika in sihuame uan tlakame poblanotekatl tlen kachi moneki matikinpalehuika.

Ipan in tenahuatili ihkuak oyauj ipan yohuali Mexicana tlen okichiuj in Patronato, in tekihua okinnahuati tlen SEDIF ye se “pakilistli” tlen itekihuakayotl kipia, tleka kichijtika se kuali tekitl. se tlanechtilis ye tlen ipan inin tekihuakayotl kixexelotikate tlapalehuilistli in chanejkahua ipan tepetlan sierras Norte uan Nororiental tlen okiitako in ehekanamiktilistli “Grace”.

Ijko tel, okitok tlen itekihuakayotl kichijtok se kuali tekitl saniman keman panoua se tlen moneki mamoyektlali kenin opanok inin ueye ehekanamiktilistli kanin omoyektlalike ohtlime, okikaltike kalme uan okipalehuike in tlapixkame sihuame uan tlakame.