Olintla, Kuetlaxkuepa.- Akin mochantia ipan kakalali VIcente Guerrero ipan inin altepetontli tlen okin itlako in ehekamiktilistli “Grace”, okitetlasokamatike in tekihuakayotl Kuetlaxkuepa tleka, ika itekitl tlen kichijtok in Sistema para el Desarrollo Integral de la Familia del Estado de Puebla (SEDIF), okiselike teposme ika makitlapachoka imin kalme.

Inin tekitkayotl noijki okitemakak in tlakuali, telma, totoltetl, tlatlamantle ika matlachipahuak uan atl, inin tleka ijko okiualtitlan mamochihuaskia in tekihua Miguel Barbosa Huerta uan in tlayekanaki Patronato del SEDIF, Rosario Orozco Caballero, ma yaka uan makintepalehuika in kakalatli tlen moneki makinpalehuika.

Inin viernes in brigadas tlen kiyekana in tlayekanani SEDIF, Leonor Vargas Gallegos, ok kitemakas tlakuali ipan Vicente Guerrero uan noijki ipan altepetontli, tleka inin altepetontli ye tle kachi omoitlako ika inin chikahuak ehekamiktilistli.