Altepetl Kuetlaxkuepa.- Ihkuak moilhuichijtok in tonali taltikpatli ika mamotseko akin kineki motemiktis, tlen moilhuichihua ipan 10 septiembre, in Sistema para el Desarrollo Integral de la Familia del Estado de Puebla (SEDIF) ok kitepalehuitok ika in servicio de atención psicológica del Centro de Orientación y Desarrollo Familiar Integral (CODEFI).

Margarita Domínguez Capilla, tlayekanani Departamento de Fortalecimiento a la Familia, tlen tekiti ipan CODEFI, okito tlen in temiktilis iselto uelis kichihua akin kipia tetlaokoyalistli, tleka amo okiaxiltike tlen kinekiaya kichihuaske, tla omo kajke imin selto, tla omik se ichanejkahua, uan noijki tekipacholis uan temosihuilis tlen okiualikak inin ueye kokolistli; ikinon moneki mamotepalehuika saniman inon kichihuas maayakmo mamotemiktika iminsel.

Ijkotel, otenahuati tlen tla mopatlatikate saniman tlen kichihua uan tlen kimachilia uelis tech nahuatis tlen kana se akin kinenehuilis motemiktis, ikinon monahuatia ichanejkahua makitlatlanika makitepalehuiaka se tlamatini ika makipalehui akin ijko momachilia.