Altepetl Kuetlaxkuepa.- Tleka ualasitika in ilhuitl patrios, in tlayenani Gobernación, Ana Lucía Hill Mayoral otenahuati tlen itekihuakayotl Kuetlaxkuepa ok kitlachixtiyes tlen mamotlachipahuaka ipan kuetlaxkuepa, ika amo mamochihuaka ilhuitl ueueye tlen amo uelis kichihuaske uan amo matlajpoka kalnemakaloyan tlen ayakmo ok kinkahuilia matlajpoka ihkuak ok panotika inin kokolistli COVID-19.

Ipan ivideoconferencia tlen kiyekanaya tekihua Miguel Barbosa Huerta, in tlayekanani SEGOB otenahuati tlen tekitikate sekni iuan Coordinación General de Protección Civil Estatal kitlachixtika sesen altepeme ipan kuetlaxkuepa, tekitl tlen kipalehuitok noijki akin tekiti ipan Protección Civil tlen katki ipan sekinten altepetontli.

Ijko tel, in tlayekanani otenahuati in sihuame uan tlakame makitelhuika akin kichijtikate ilhuitl tlen motlatitoke uan tla kitlapotikate kalnemakaloyan tlen ayakmo kin kahuilia matlajpoka kenin okitenahuati in tlanahuatil tlen okikixti in tekihua ipan kuetlaxkuepa, inon tleka amo moneki mamotlejko in ueye kokolistli SARS-CoV-2.