Altepetl Kuetlaxkuepa.- Kenin se tekitl tlen kichijtika in tekihuakayotl Kuetlaxkuepa ika mamoyektlali in Museo Internacional del Barroco, in tekitkayotl Cultura okipehualti ipan inon kali se tlanechtilis “Códices de Puebla: Una Tradición Viva”, tlen kisentlalia kachi 50 códices tlen, achtopa ipan México, tetlanechtilia inemiliskayotl in kakalatli tlen okatka achtopa ipan kuetlaxkuepa.

In tlayekanani inin tekitkayotl, Sergio Vergara Berdejo okitok tlen inin tekihuakayotl okipehualti se yankuik tlanahuatil cultural, ikinon tekiti chikahuak ika mamopatla in Museo Internacional del Barroco, ika makiixmatika ipan nochin semanahuak tlen kinechtilia nochin tlen iaxka tlen kipia kuetlaxkuepa, Kenin kinahuatitok in tekihua Miguel Barbosa Huerta.

Ipan inin tlanechtilis tenechtilia miak amame pictográficos tlen iaxnka masehualtin, tlen omochichijke ipan miak xihuitl achtopa ipan tlali kuetlaxkuepa. kipia 63 tlatlamantle; 15 códices originales, chikuase tlaixkopinkayome, 20 facsimilares, se pintura al óleo, eye herramientas uan 18 tlaixneskayome. In tlanechtilis noijki kipia materiales uan técnicas kanin tlanechtia kenin kichihuayan inon códices, kenin amatl uan kuetlax yolkame, kenin noijki minerales uan orgánicos kenin grana cochinilla.