Altepetl Kuetlaxkuepa.- Ika mamochikahua itlanechtiyotl ipan ueye tlalpan uan makiixmatika noijki ipan sentlapal altepeme in tlakualistli tlen mochihua ipan kuetlaxkuepa, in tekitkayotl

Cultura okichiuj se tlanechtilis “Uelikyotl, ahuiyak uan tlakiualistli tlen okitlakualtike Agustín de Iturbide ipan Kuetlaxkuepa; 1821-1822”, ihkuak moilhuichijtika in 200 xihuitl keman omochiuj Chile en Nogada.

Ipan Museo Cocina Ex Convento de Santa Rosa, in tlayekanani Sergio Vergara Berdejo okpehualti inin tlanechtilis, kanin okito, kiilnamiki tlen omochiuj uan akin ompa katki ipan nemiliskayotl ipan inin 200 xihuitl tlen moilnamiki kachi ipan Kuetlaxkuepa uan ipan ueye tlalpan México, tlen kipia kiixmatiske nochin akin nikan chantitikate uan akin ualatikate.

Okitok tlen Chile Nogada ye se tlakualistli miak uelik tlen moixmati ipan nochin ueye tlalpan uan tlen moixmati Kuetlakuepa, tleka okiilnamik se ueye tlailnamikilis ipan México: itemakixtilis.

Okilnamik tlen itlakualistli Mexicatl, kanin katki inin tlakuali, moixmati miak ipan sentlapal altepeme uan tlen katki kenin Patrimonio Cultural Inmaterial desde 2010 por la UNESCO.