Altepetl Kuetlaxkuepa.- In tekihuakayotl Kuetlaxkuepa amo kikahuas iselto in sihuame uan tlakame poblanotekatl tlen okinitlako in ehekatlamiktilistli “Grace”, otenahuati in tekihua Miguel Barbosa Huerta, akin okilnamik tlen itekihuakayotl okichijtok sekinten tekitl tlen moneki ika makin palehuika masehualten achto uan satepa mapano inin ueye kiahuitl.

Ipan videoconferencia iuan prensa, in tekihua okitok tlen itekihuakayotl Kuetlaxkuepa kitemanas tomin ika makinpalehuika chanejkaua tlen omoitlakoke imin kalten, ijko ika mamotlapalehuika kakalten tlen okinitlakoke imin ohtlime uan keman ouetske sokitl ipan ohtlime.

“Itekihuayotl Kuetlaxkuepa kiyektlalis nochin, motlapalehuis in poblanotekatl uan motemakas tomin tlen moneki”, otenahuati in tekihua.