Altepetl Kuetlaxkuepa.- Ika mamopalehuika tlen kineki in chanejkahua tlen okinitlako sekinten tlamantle in ehekatlamiktilistli “Grace”, in Sistema para el Desarrollo Integral de la Familia del Estado de Puebla (SEDIF) oki ualtitlan tlakuali ipan altepetontli Zacatlán, ika mamoxexelo ipan sekinten kakalatli ipan Sierra Norte.

Inin tlapalehuilistli tlen kisa ipan programa “Cadena de Solidaridad”, okinahuati mamochihua in tekihua Miguel Barbosa Huerta; uan noijki tlayekanke Patronato del SEDIF, Rosario Orozco Caballero uan tlayekanani inon tekitkayotl, Leonor Vargas Gallegos.

Satepa tlen opanok inon ehekatlamiktilistli ipan Kuetlaxkuepa, inin tekitkayotl ika in teposnenemi tlen iaxka Apoyo Ejecutivo y Vinculación Social y Asistencia Social y Salud, kenin tekitkayome tlen kixexeloa iuan tekitkayotl Gobernación, iuan Coordinación General de Protección Civil del Estado de Puebla uan tlayekanke altepetontli, uan kitepalehuitikate nochin in masehualten tlen okinitlakoke imin kakalten.