Altepetl Kuetlaxkuepa.- In Sistema de Protección Integral de los Derechos de Niñas, Niños y Adolescentes (SIPINNA) ipan Kuetlaxkuepa uan tekitkayotl Gobernación (SEGOB), tetlaixmati kenin tekihua Miguel Barbosa Huerta, okitlalike se ololkayotl ika makin malhuika ichpokatontli, telpokatontli uan tlepokame tlen uitsiahsi sentlapal altepeme tlen kineki mochanchihuaske nika.

Inon tepalehiuilis kineki makinmahuitstilika imin derechos tlen kipia kokoneme uan telpokame tlen ualatitoke, ika miakten tekitl sekinte tekitkatome kitlapalehuiske kenin: In Comisión de Derechos Humanos del Estado de Puebla, el Congreso del Estado, el Instituto Nacional de Migración (INM) Puebla, las secretarías de Educación y Seguridad Pública, uan noijki institutos Poblano de Asistencia al Migrante (IPAM) uan Poblano de Pueblos Indígenas (IPPI).

Ipan inin tlatohualistli ipan internet, kanin okatka noijki in tlayekanke Sistema para el Desarrollo Integral de la Familia del Estado de Puebla (SEDIF), Leonor Vargas Gallegos, in tlayekanani SIPINNA Puebla, Martha Zárate Tinoco tlen okitok tlen inin ololkayotl kitlalis tlanahuatilten uan tekitl tlen moneki mochihuas ika makinpalehuika masehualkayotl uan oksekinten tlen kineki kitepalehuiske inon kokoneme uan telpokame.