Altepetl Kuetlaxkuepa.- Satepa tlen kuali omahuilti ipan ahuiltiyotl tlalpan México CONADE 2021, in judoca poblanotekatl, Juan Pablo Ramírez Fernández okitlani se kehpipilol bronce, tlen kitlani tlalpan México, ipan Campeonato Panamericano y Sudamericano Cadetes y Junior 2021, tlen omochiuj ipan Cali, Colombia ipan 15 agosto tlen opanok.

Inin Ahuiltiani okitok tlen omomachili kuali tleka omokuep mahuiltia tleka amo mahuitlaya se xihuitl. okilnamik tlen ipan Panamericano achtopa omotehui iuan Óscar Morato, kanin okitlanike. maske ijko, okito tlen satepa ye okitlani se costarricense Brandon Salas, tlen okichiuj mamotehuiani ika makitlani in bronce iuan colombiano Jordán Vanegas, akin okitlani satepa tlen chikahuak omotehui ipan inon dojo (dōjō).

Inin tlamahuiltilis mochikajtika miak, satepa tlen ipan matlaktle xihuitl tlen opoanoke inin mahuitilis amo motlaniani niane kechpipilol. Se kuali tekitl ipan makuili xihuitl tlen kichijtikate tlamachtianime Rafael y Enrique Ramírez Luna okitemakak makuili kechpipilol bronce ipan ahuiltiyotl ipan tlalpan México CONADE 2021, uan akin okitlanike inin kechpipilol ye in iknihua Juan Pablo, José Antonio y Rafael Ramírez Fernández, noijki Mario Isaí Mancilla González uan Enrique Emilio Ramírez Romero.