Altepetl Kuetlaxkuepa.- Tleka momiakilitika miak kokoxki ika COVID-19 okitlali altepetl kuetlaxkuepa uan tlen kiyehualoa ipan chichiltik kanin kitohua tlen kiskaltitika inon kokolistli, tleka kipia 71 por ciento akin kokoxki ipampa inin eyey ola.
Jesús Ramírez Díaz, tlayekanani in tekitkayotl Administración, okiteilhui tlen san ipan inin tonali ipan nepantla altpetl omokokoke 693 tlen kipohuia nochin 863 yankuik kokoxki, ikinon ipan altepetl kuetlaxkuepa uan tlen kiyehualoa katki miak tlen uelis mokokoske.
Ijko noijki katki in región 5 tlen katki ipan Zacatlán, uan noijki Tehuacán (Suroriente) uan Teziutlán (Nororiente) katki ipan tlapali chilkostik. uan ipan altepetontli Izúcar de Matamoros (Surponiente) uan Tecamachalco (Centro oriente) katki ipan kostik.
Otenahuati, noijki tlen akin omokokoke, katki ipan kaltepatiloyan omomiakilike, okatka axhto 405 uan axan 865, uan noijki akin omijke ipan julio san nahui uan ipan agosto ikatki 14.