Altepetl Kuetlaxkuepa.- Tleka ualtlejkotika akin mokokotikate COVID-19, in Instituto de Seguridad y Servicios Sociales de los Trabajadores al Servicio de los Poderes del Estado de Puebla (ISSSTEP) kipatlatika in tlanahuatil kanin mopatiske ipan kaltepatilistli akin mokokoua elpanketl (CER), ika makinmakaka se kuali tlapalehuistli, ika se kuali tekitl uan ika mahuitsyotl akin ompa yahue.

Ikinon, omotlalike kachi tepatianime uan kokoxsihuapixkime ika makipiaya chikome consultorios kanin kin patiske uan ome kanin kin matiske imin signos vitales.

Ijko tel, ika amo mamokokoka ipan inon yeyantli, in tekitkayotl kipia ome kanin uelis kalakiske:

kalakoyan A (chichiltik/achto kalakoyan), kanin yaske nochin masehualten tlen monekimakipatika (kana uelis amo uelis moiyotia uan okekinten tlamantle tlen machilia ihkuak kin axiltia COVID-19, kenin tlatlasilis chikahuak, apitsatli, moitekokoa uan keman ayakmo tlainehui nian kimachilia keman tlakua).

In kalakoayan B (kostik/ achto pediatria), sihuame uan tlakame tlen ompa kin patia moneki saniman mayaka tleka moneki makiixmatika imin incapacidad, tla okinaxilti kokolistli, noijki ompa kimatiske tlen kipian imin chanejkahua tlen ompa katki ipan kaltepatiloyan.

Ipan inin kaltepetiloyan ika kokolistli elpanketl nochin tlen ompa tekiti kichihua kuali, katki tlapechtli uan nochin tlen moneki ika mamopatika kokolistli COVID-19.