Altepetl Kuetlaxkuepa.- Ika makipiaka se kuali imin nemilis, ijko kenin mamochichikahuaka imin mahultilis akin kin paktia inin tlamahultiyotl, in Instituto Poblano del Deporte (INPODE) okinahuati in ichpokatontli, telpokatontli uan telpokame mayaka ipan kalmachtiloyan kanin kinnechtiliske Futbol tlen motokanotsa Dragones INPODE, tlen katki ipan kalmahuiltiloyan “Mario Vázquez Raña”, Polideportivo “Parque Ecológico” uan kalmahuiltilis “La Noria”.

Akin kiyekantika uan tlamachtiani inin programa, Mario Limón García okito mach, matlamahuiltika inin tlamahuiltilis kin maka se kuali imin nemilis, amo mokokoske, noijki kichihua matekitika sekni, uan kin palehuika amo matolonika, ikinon kin nahuatia in tatame mayaka makiixmatika kalmahuiltiloyan, kanin uelis mahuiltiske uan kitlahtolkaki nochin tlen moneki ika amo mamokokoka ika ueye kokolistli kipia tlachipahualistli.

Okitok tlen motlaxtlahua uan tlen tonali tlamahuiltiske katki nononkua; maske ijko tla kinekin kimatiske kachi inon tlamantle, akin ijko kinekiske uelis kitlatlanis kachiipan tlapohuali 22 13 31 6990 y 22 11 60 0439.