Cuetzalan, Kuetlaxkuepa.- Tleka moneki motepalehuiske akin kipiak se kokolistli, masehualten tlen mochantia ipan kakalatli uan akin huehuentsistsi, in Sistema para el Desarrollo Integral de la Familia del Estado de Puebla (SEDIF) uan in tlayekanalis in tlapalehuiani pública (APBP) okipejke kitemaka tepostoto ika matlakakika uan ika matlachiaka ipan 17 altepetontli ipan sierras Norte, Nororiental uan Negra.

Ipan nochin inin tonalten, inin tekitkayotl iuan in tekitl tlen kichijtika Dirección de Inclusión y Rehabilitación Social, uan APBP tlen kiyekantika in tekitkayotl Salud federal, kitemaske kana 567 tespototo ika matlakakila uan 421 tepostoto ika matlachiaka ipan altepetontli kenin Tlaola, Chiconcuautla, Zacapoaxtla, Huehuetla, Xiutetelco, Chignautla, Atempan, Zoquitlán, Eloxochitlán, Coyomeapan, San Sebastián Tlacotepec, Chichiquila, Ajalpan, Vicente Guerrero, Ocoyucan, Tlacotepec de Benito Juárez uan Cuetzalan.

In sihuatsintli María Nicolasa López, tlen ualaya ipan kakalatli San Andrés Tzicuilan, okiseli se tepostoto ika matlachia uan ipan imasehual tlahtol uan ipan castilla okitetlasaokamati in SEDIF tleka okitepalehuitikate masehualten ipan kakalatli tlen katki uejkatlan; uan tlakatsintli Javier Mora, tlen mochanchihua ipan San Miguel Tzinacapan, noijkki okitetlosakamati in tekihua Miguel Barbosa Huerta, noijki in tlayekanke ipan inon tekitkayotl, Rosario Orozco Caballero uan noijki in tlayekanani, Leonor Vargas Gallegos tleka okitok tlen inin tlapalehuilistli ahsitikate ipan kakalatli masehualten uan itech nochin akin kineki makinpalehuika.