Altepetl Kuetlaxkuepa.- In tekitkayotl Desarrollo Rural (SDR), ika itlapalehuilis in ueye kalmachtiloyan Autónoma de Chapingo (UACh), kipehualtis inin metstli kimatiske keski motlapixkas cadé ipan 2021-2022 ipan 54 altepetontli tlen kitekitiltia café ipan kuetlaxkuepa.

Inin tekitl san uelis kichijtiyeske ipan kuetlaxkuepa, tleka nianse oksekiten ueye altepeme tlen kitlapixka café kichijtikate se tekitl kenin inin, tlen kipalehuis makimatika keski ipan xolalme tlen okitlaltokake, keski moskaltitkate, keski café katki uan keski xihuitlki pian inon koujtoto.

Ijko tlem in Centro Nacional de Investigación, Innovación y Desarrollo Tecnológico del Café, tlen iaxka in UACh, kitlamachtis uan kipalehuis akin tekiti ipan SDR ika makipiaka nochjin inon café tlen motlaltokatikate, tlen kisake ipan amame Estatal Cafetalero uan amame tlen imin axka sihuame uan tlakame tlapixkame café tlen kitlatlanike se itlapalehuilis tlen kitemakatika in tekihuakayotl Kuetlaxkuepa.