Altepetl Kuetlaxkuepa.- Ika kineki makiixmatika kachi México, Santiago Blanco Güido, tlamahultiani tlen kichihua akisanilistli, mochichikajtika ika kuali maya ipan Paris 2024 satepa tlen okitlani chikome kechkoskatl (eye oro, se plata uan eye bronce) ipan tlamahultiyotl CONADE 2021.

Inin akisani poblanotektal kimachilia tlen melahuak tlenokitlani miak ipan inin tlamahultiyotl tlen okichijke in Comisión Nacional de Cultura Física y Deporte (CONADE), tlen omochijke ipan julio ipan Monterrey, Nuevo León.

Okilnamik tlen achtopa tonali ihkuak okatka ipan inon altepetl ye kachi tekiyo, ihkuak otlamahuilti achtipa ipan tlamahultilis 200 metros estilo libre, tleka tlen kachi tlamahultia ye 50 uan 100 metros. Ijko tel, Blanco Güido okito tlen omomachili kuali ikinon, omochichikauk ika mamahuiltiani itech 400 metros iselto.