San Martín Texmelucan, Kuetlaxkuepa.- Ika mayeka kachi kuali akin tepanita uan matleko kachi turismo uan ijko matlakohuaka tlen mochihua ipan kuetlaxkuepa, in tekitkayotl Desarrollo Rural (SDR) okichichikahuas se ruta agroturística ipan altepetl San Martín Texmelucan, tlen kipalehuis ika ipan inon altepeme mamoskalitka kachi ipan imin tominyotl.

Ika se tenenemilistli, in tlayekanani inin tekitkayotl, Ana Laura Altamirano Pérez okitok tlen katki miak altepeme kanin uelis kiskaltiske kachi inin turismo agronómico, tlenkinechtiliske viveros xochime rosas, kanin kiiskaltia michime uan noijki kanin kitlachiliske ikpitl ihkuak katki ompa.

Ika inin tlamantle, in tlayekanani oyau kitati viveros ipan altepetontli San Salvador El Verde, kanin nochin xihuitl kiiskaltia xohime rosas, uan tlen kinekamatinemi ipan altepetl Kuetlaxkuepa uan noijki ipan ueye altepetl México.