Altepetl Kuetlaxkuepa.- Tlen kipia miak ipatimakichichitika in kokoneme kin palehuia mamoskaltika chikahuak, tleka kichikahualtia imin tlitik ihkuak ok kokoneme, otenahuati in tlayekanani inin programa Lactancia Materna, Alehiny Valeria Macías Domínguez, akin okilnamik tlen omenten bancos leche tlen kipia tekitkayotl Salud kipian techipahuaktik tlanahuatilten ika mayeka chipahuak ika makichichitika in kokoneme ihkuak panotika inin ueye kokolistli.

Ipan inin Semana Mundial de la Lactancia Materna 2021, tlen moilhuichijtika ipan 1 kampa 7 agosto, inin tepatiani otenahuati tlen miakten kokoneme tlen otlakatike achtopa, ijko kenin in kokoneme tlen kin patitikate noso tlen kipia se kokolistli tlen uelis kin panoltiske imin kokoneme, kin chichitikate ika leche tlen amo imin axka, okitok noijki tlen tlasokamati inin 200 sihuame tlen okitetlokolike 465 mil 615 mililitros leche materna ipan junio 2020 kampa abril 2021.

Okitok tlen in tekitkayotl Salud kitenahuatia makitetlokolika ipan kaltepatiloyan teyoloikni kokone uan ichpokakone ipan kuetlaxkuepa, noijki kipian se teposnenemi tlen kisentlalia in leche tlen iaxka tenana tlen yaui ipan kakalme, uan ijko kiuika ika miak chipahualis ipan ome bancos tlen katki ipan kaltepatiloyan sihuatl ipan altepetl kuetlaxkuepa uan kaltepatiloyan sihuatl uan Neonatología ipan Tehuacán ika makitlalilika pasteirización uan satepa motemakas.