Altepetl Kuetlaxkuepa.- Ika mamotseko teiskaltilis ika kokolistli COVID-19, in tekitkayome Movilidad uan Transporte (SMT) uan Seguridad Pública (SSP) okichikajke tetlachialistli in teposnenemi público. ipan inin 24 horas tlen opanoke, omenten tekihuakayome okitetlachilike 186 teposnenemi, uan amakin okin tlalilike makitlaxtlahuaka tomin tleka nochtin okitetlakamatike itlanahuatilhua tlen okitlali tekihuakayotl Kuetlaxkuepa, otenahuati in tlayekanani gobernacion, Ana Lucía Hill Mayoral.

Noijki, in tlayekanani okitok tlen in Coordinación General de Protección Civil Estatal, in Secretaría de Seguridad Pública uan in Dirección de Protección contra Riesgos Sanitarios (DPRIS), okitetlachilike 22 kalnemakaloyan uan okin tsajke se tleka amo okitlahtolkakiaya tlen tlanahuatilis sanitarias.

Ik inon, in tlayekanani SEGOB okitok tlen amo katki yankuike kokoxkime ika SARS-CoV-2 ipan mashualten tlen kaltsajtikate, noijki in Instituto Poblano de Asistencia al Migrante (IPAM) okinahuati tlen amo omijke nianse sihuatl uan tlakatl poblanotekatl ipan sentlapal altepeme ipampa inon ueye kokolistli.