Altepetl Kuetlaxkuepa.- Ihkuak kitlalitikatka vacunas ipan chikuase altepetontli ipan sierra norte, tlen opeuj ipan 7 julio, iomotlalike 8 mil 111 vacunas tlen kitsekoua COVID-19, otenahuati in tlayekanani Salud, José Antonio Martínez García, akin okilnamik tlen axan ye in tlamian tonali ika mamotlali inin vacuna ika mamotseko inin kokolistli ipan inon altepetontli ipan kuetlaxkuepa in masehualten tlen kipian 40 kampa 49 xihuitl, 50 xihuitl uan kachi, uan sihuame tlen pilhuatia.

Okse tlamantle, in tlayekanani okitok tlen yalhua oahsike ipan kuetlaxkuepa vacunas tlen marcas Pfizer uan SinoVac, uan ikinon pehuas ipan lunes jornada de vacunación ipan 25 altepetontli ipan siera norte uan Nororiental ika ololi tlen kipia 40 xihuitl uan kachi (achto vacuna) uan kachi 50 xihuitl uan kachi (omekpa vacuna, noijki sihuame tlen kipia kachi 18 xihuitl tlen pilhuatia uan tlen kiuika yeye noso kachi kokoxki). okachi okitok tlen monahuatis ipan inin tonali kenin mochihuas ika makin tlalilika inon vacunas.

Uanitenahuatil in tlen panotika ika inin kokolistli, Martínez García otenahuati tlen ipan horas tlen opanoke omokokoke 67 yankuik kokoxkie uan ome omijke. akin kokixkime ioualtlekoke 136 tlen katki ipan kaltepatiloyan uan oksekinten nenentikate, tlen katki ipan 26 altepetontli.