Altepetl Kuetlaxkuepa.- In tekihuakayotl Kuetlaxkuepa okiseli in dictamen tlen okimakak científicos del Instituto Politécnico Nacional (IPN) itech tlen opanok ipan koyujtli ipan altepetontli Juan C. Bonilla, tlen otlanechti tlen okikixtike miak atl, tlalhuak, omotlamike tlali uan chikahuak kiahuitl ye tlen okichijke mapano inon.

Ipan Videoconferencia, in tekihua Miguel Barbosa Huerta otenahuati tlen ihkuak okitemoke tlen opanok, tlen achtopa omoahsik, itekihuakayotl kimalhuis kachi inon xolal ika mamomalhuika kachi mashualten tlen ompa mochantia, tleka omotake sekinten oquedades ipan inon xolal.

Okitok tlen okiahsik IPN amo kitlamitia mamotemo kachi tleka inon opanok, tleka oksekinten tekitkayome ipan México uan sentlapal ok kitemotikate tleka opanok inon tlamantle.

Barbosa Huerta okilnamik tlen itekihuakayotl Kuetlaxkuepa kitlaxtlahuas in xolal uan in kali tlen iaxka in chanejkahua tlen okiitlako inon koyoujtli, iknon in tekitkayotl Desarrollo Rural, kichihuas inon tekitl.