Altepetl Kuetlaxkuepa.- In tlayekanani Salud, José Antonio Martínez García okitok tlen ipan achtipa tonali ihkuak okin tlalilike inin omekpa vacuna ipan kuetlaxkuepa ika in vacuna tlen iaxka Pfizer tlen okin tlalilike masehualten tlen kipia 50 xihuitl uan kachi, noijki sihuame tlen pilhuatia, okin tlalilike imin vacuna 28 mil 263 sihuame uan tlakame poblanotekatl; okilnamik tlen inin tekitl ok mochihuas ipan tonali sabado tlen huits ipan 12 kalteptiloyan tlen okin tlalilike kanin yaske nochin masehualten.

Ihkuak katka videoconferencia tlen kiyekanaya tekihua Miguel Barbosa Huerta, in tlayekanani okinahuati tlen akin omokokoke ika kokolistli SARS-CoV-2 ye 40, uan akin omijke ualtemotikate san yeye ipan tonali tlen opanok. uan akin kokoxki tlen nenentikate uan tlen katki ipan kaltepatiloyan, okitok tlen san ye 70, tlen moxexelotikate 22 altepetontli.

Kitemaka tekitkayotl Trabajo tepostlaltitl uan tlatlamantle akin kipian yankuik proyecto productivo Cuautlancingo, Kuetlaxkuepa.- Kenin kichijtok ipa subprograma “Proyectos Productivos”, in tekitkayotl Trabajo okitemakak tepostlaltitl uan tlatlamantle se ololi nahui masehualten ipan inin altepetpntli tlen okipejek imin tekitl tlen motokanotsa “Pintando y Reparando tu casita”, uan kin machtitikate kenin kichihuaske ika mamochikahua kachi imin tekitl tlen kichijtiate.

Ihkuak okitemakaya inin tlapalehuilistli ipan inin kakalatli ipan San Lorenzo Almecatla, in tlayekanani inin tekitkayotl, Abelardo Cuéllar Delgado otenahuati tlen satepa tlen uelis kichihuaske ye mamochihua inin proyecto se cooperativa.