Altepetl Kuetlaxkuepa.- Itekitl tlen kichijtika itekihuakayotl Kuetlxkuepa ye makikakilika in momachtianime tlen momachtia ipan kalmachtiloyan normal rural “Carmen Serdán”, tlen katki ipan Teteles de Ávila Castillo, kenin omonechti ihkuak motlanankilia tlen tetlatlania yehuanten.

In tekihua kinahuatia tlen kineki mononotsas iuan yehuanten ika miak mahuitstilis yehuan uan noijki imin derechos, uan tlen axan okiitlakoke ihkuak amo oki mahuitstilike kenin mopiaya motenonotsaske tla kinekiaya sekin tlamantle uan opejke tetehuilia.

Nochin tlen okitlatlaniaya, tlen achtopa okitlatlanike, omokakake nochin, maske ijko axan, ipan kaltenko kali Aguayo, omokualantike uan okipanoltike inon vallas, uan okin palehuika kana 40 tlakame tlen motlapachoke imin xayak, akin okitohuetsoke tlakueponili uan okiuikayan tlatekini, tubos, uan oksekinten tlatlamantle tlen tlanechtiliaya tlen kinekiaya motehuiske.

Kenin okitenahuati in tekihua, itekihuakayotl Kuetlaxkuepa tlen kinekimayeka normales rurales ipan nochin tlalpan, uan noijki ipan kuetlaxkuepa, moneki matikinpalehuika matekitika kuali uan ma uejkahuika.

In tekihuakayotl Kuetlauepa okitlalitok kachi 18 millones pesos ika makinyektlalika inon kalmachtiloyan uan makinmakaka sekinten tlamantle, uan okin makake 700 mil pesos ika makitlaxtlahuani se tlen kiuikiliayan uan 800 mil pesos mensuales tlen monekiaya ika makin tekipanoka akin ompa momachtia.

Ipan 2019 motlapalehuitok uan mokaktok akin momachtia ompa, uan noijki iuan tekitkayotl Educación; In Subsecretaría de Educación Superior, tlen ye akin kitekakilia nochin normales, omonechikoke 18 ekpa iuan yehuantin.

In tekihuakayotl Kuetlaxkuepa kitenahuatia in momachtinime makitlahtoltika tlen kineki, san ika tlahtoltilis, uan makiasikamatika nochin; amo makikahuaka makin yekanaka oksekinten tlenenehuilisme. mopia motenonotsaske uan makitemachika tlen melahuak mochihuas tlen kineki uan kuali kin tepalehuiske nochin sihuame uan tlakame momachtianime.

Axan amo kikajtikate makalakika nian makisaka ipan kali Aguayo, otitlanechtilike tlen inon tlakame tlen oyaya iuan yehuantin kiuikayan bombas molotov ika mamo tehuiskiani.