Altepetl Kuetlaxkuepa.- Tlanahuatiltne tlen motlahtolkakis ika mamotseko kokolistli ipan ixiptlayokali ika oksepa matekitika ipan viernes tlen uits, kenin kitohua in tlanahuatil tlen okinahuati tekihuakayotl kuetlaxkuepa, ye inin:
-San uelis kalakiske 33 por ciento
-Moneki kikuiske imin kamatlapachyotl nochipa
-tlen kipia kichihuaske akin kalakiske san motlaliske kenin se tlabero ajedrez, kitosneki ome ikpali kikuiske, okse ome ikpali amo, uan okse fila amo mokuis.
-amo kin kahuaske mamosentlalika kanin tetlaxtlahua, kan tlakoua, san kikahuaske makalakika se uan se, kin kakiliske san tla okin tlatlanike achtopa.
-kipia kitsakuaske kampa ahsi 23:00 horas, pehuas lunes uan tlamis domingo
-mopia motlalis películas sankuelpan ika mayaka masehualten tlen uelis mokokoske.
-kinilhuiske tla kachi kuali ma tlaxtlahuaka ika ma kalakika uan ihkuak tlakouaske tlen kikuaske ipan imin celular.
-kanin monekamas tlakuali noso tlen nektik, kipia kachi kichipahuaske.
-amo uelis kinemakaske tlayili iuan tlen nektik noso tlen kikuaske, uan akin kinemaka tlayili iuan tlakuali san uelis kinemakaske san se tla tlakua ompa.
-Kipia kitlaposke kaltsakualoyan , uan ijko kuali kalakis uan kisas ehekatl.
-Amo uelis kikuiske kaltoto kanin moseuia tlajtek ipan ixiptlayokali, amatlakuilolten uan tepostoto tlen mokui ikalitek.
-Amo kueli kikuiske maquinas kan mahuiltia uan teposmahuiltilis
-Nochin ixiptlayokali kipian kimatiske tla se akin kokoxki uan makintlachialika Protección Civil ipan kuetlaxkuepa uan makipiaka imin código QR.
-Noijki, in ixiptlayokali ki pian kiyektlaliske imin sistemas aire acondicionado tlen kipalehuis ma kalaki uan makisa ehekatl ikaltenko, tlen kichihua maye ehekatl chipahuak.