Altepetl Kuetlaxkuepa.- ihkuak omomiakili 264 kokoxki kachi, kanin 42 iokatka achtopa, in tlayekanani Salud, José Antonio Martínez García, okinahuati tlen, ipan inin tonali, Kuetlaxkuepa kipia mil 336 kokoxki ika kokolistli COVID-19, tlen katki ipan 83 altepetontli.

Ihkuak kitemakaya videoconferencia tlen kiyekanaya tekihua, Miguel Barbosa Huerta, in tlayekanani okitok mach, ipan tlen opanoke 72 horas, omijke 23 ipampa inon kokolistli. Maske ijko, okinahuati tlen opojke kachi 19 akin omijke tlen omonahuatike satepan uan iahsike 42 tlen omijke.

Noijki, in tlayekanani inin tekitkayotl okitok tlen katki 947 ipan kaltepatiloyan; inin pohuali, 194 katki ika ventilación mecánica asistida.