Alteptl Kuetlaxkuepa.- In Tekitkayotl Desarrollo Rural (SDR) opeuj kitlachia kenin okinmitlako sekinten tlalpixkayotl tlaoli uan yetl ipan San Pedro Benito Juárez, se kakalatli tlen iaxka Atlixco, kanin teotlak ipan Jueves omochikauj se ueye kiahuitl iuan texihuitl.

Ihkuak opeuj inon kokolistli, akin tekiti ipan inon tekitkayotl omononotske iuan tlayekankei ipan inon altepetontli uan iuan tekitkayotl, ika makixmati tlen okiitlakoke uan tlen opanok ompa, uan ijko, achtopa, in sihuame uan tlakame tlen tlapixtikate makin makaka inon tlapalehuilistli ika se seguro keman pano sekinten ueye tetsahuitl uan amo makinpolo inon tomin tlen kipiaskia ihkuak kinemakani imin pixkayotl.

Ik inon, in tlayekanani inon tekitkayotl, Ana Laura Altamirano Pérez, okinahuati mach, keman pehuas viernes, mamochihua se amatl kanin momatis tlen opanok ipan inon tlalpixkayotl uan mamochihua se tlapalehuilistli tlen kinahuatis in Dirección de Desarrollo de Capacidades y Aseguramiento, uan ijko momatis keski xolalme tlalpixkayotl okin itlako inon ueye kiahuitl uan keski chanejkahua kuali mopalehuiske.