Altepetl Kuetlaxkuepa.- In tekitkayotl Gobernación kinahuati tlen mononotsatiyes iuan Red por los Derechos de la Infancia en México, Justicia Juvenil Internacional, Servicios a la Juventud uan oksekinten tekitkayome tlen tekiti ika makinpalehuika in telpokame, ika makimatika tlen ihkuak okinkixtike in telpokame ipan Centro de Internamiento Especializado para Adolescentes (CIEPA) uan okinuikake ipan se yankuik kali inahuak in Centro de Reinserción Social de Puebla, nochin inon teuikalis omochiuj ika se mahuitstilis in derechos humanos uan kenin kinahuatia in tlanahuayotl tlen kiyekana inon tekitl.

Inon tlen okichijke okitlahtolkakike ika se Protocolo kanin kinnahuatiaya tlen moneki motlakamatis ipampa COVID-19 ipan kaltsakualoyan tlen katki ipan kuetlaxkuepa uan tlen kinahuatia in kaltsakualoyan kanin kin kaltsakua telpokame uan oksekinten tlanahuatilisme, nochipa momalhuiaya imin pakayelistli uan amo makiaxilti in kokolistli nochin inin masehualten.

Ye chikome telpokame ipan CIEPA tlen okinuikake ipan inon yankuik yeyantli, tlen okichichijke kuali ompa mamochantika inon telpokame, mayeka kuali uan makintlakamatika in tlanahuatil juridica kenin kitohua in tlanahuatilten tlen kiyekana.