Altepetl Kuetlaxkuepa.- “Miak kuali makinpalehuika in masehualten akin amo tlachia uan tlen amo tlatlachia kuali ipan inin tekihuakayotl” okitok inon in tlakatsintli José Miguel Jaramillo Corte, ihkuak okiseli iamatl kanin kitohua keman otlakati ipan sistema Braile, inin amatl okitlatlan uan okitemakake ipan san tlajko hora.

Tlakatsintli Jose okitok mach paki tleka axan kuali kitlaixpohuas tlen kitohua inin amatl uan amo kitlaixpohualia okse masehuali. Noijki okitok tlen ika inin amtal kuali kichihuas oksekinten tramites.

“Omekpa nikaki tlen ipan tenonotsalistli tlen in DIF kichichihua inin amame ipan sistema Braille uan axan ioniuala uan onikitak tlen melahuak inon miak kuali uan isijka, san tlajko hora onechmakake no amatsintli”, okitok.