Altepetl Kuetlaxkuepa.- in Tekitkayotl Gobernación kipalehuitok ika mamononotsaka in tekihuakayotl coronango iuan masehualten tlen mochantia ipan inon altepetontli, okitenahuatin in tlayekanani, David Méndez Márquez, satepa tlen opanok inin tletehuilistli tlen opanoke ipan kali kanin motlanahuatia in altepetontli coronango.

Ihkuak mononotstikatka iuan Prensa tlen kiyekana in tekihua Miguel Barbosa Huerta, in tlayekanani okitok tlen nochin opeuj keman topilten tlen tekiti ipan altepetontli San Pedro Cholula okikitskike yeye tlaichtekime tlen otlaichtekike se taller ipan Coronango.

Okitok mach, ahctopa, inin ololi tlen amokinekiaya makin uikaka oyake ipan comisaria ipan San Pedro Cholula uan satepan oyake ipan presidencia altepetontli Coronango, kanin, iuan akin kiyekana sekinten políticos, opeuj mokualantia tlen kichijtikate in tekihuakayotl municipal.